លោក Jose Mourinho បានបញ្ជាក់ថាខ្សែបម្រើ Nemanja Matic បានរងរបួសជង្គង់ និងត្រូវសម្រាកព្យាបាល មិនអាចចូលលេងនៅបើករដូវកាលបានទេ។
ក្រុមបិសាចក្រហម បានបរាជ័យក្រោមថ្វីជើងរបស់សត្រូវចាស់ Liverpool យ៉ាងចាស់ដៃ ៤-១ ក្នុងការប្រកួតមិត្តភាពពានរង្វាន់ ICC នៅសហរដ្ឋអាមេរិក។ ក្រោយបរាជ័យនេះដែរ លោក Jose Mourinho ក៏បានបង្ហើបពីដំណឹងអាក្រក់មួយទៀតដែរ ដោយខ្សែបម្រើសំខាន់របស់ខ្លួន Matic បានរងរបួស និងត្រូវសម្រាកព្យាបាលរយៈពេលយូរទៀត។ ដែលនេះមានន័យថារូបគេមិនអាចចូលលេងនៅថ្ងៃបើកឆាកពានរង្វាន់ Premier League បានទេ។
អ្នកចាត់ការសញ្ជាតិព័រទុយហ្គាល់បាននិយាយចំពោះរឿងកីឡាកររបួសនេះថា៖ “Smalling? ខ្ញុំគ្មានយោបល់ទេ Shaw? ខ្ញុំគ្មានយោបល់ទេ ប៉ុន្តែ Matic បានវះកាត់រួចរាល់ហើយ។ គេនឹងអវត្តមាននៅបើករដូវកាលនេះ។ គាត់ត្រលប់ពី World Cup មកជាមួយរបួស ហើយវិស្សមកាលរបស់គេគឺមិនគ្រប់គ្រាន់សម្រាប់ព្យាបាលរបួសឡើយ”៕ប្រភព៖ DailyMail