Victor Lindelof បានជួយស្ត្រីម្នាក់ ក្រោយពីចោរបានលួចកាបូបរបស់គាត់ នៅស្រុកកំណើតរបស់ខ្លួនប្រទេសស៊ុយអែត។
ប្រភពពីកាសែតក្នុងស្រុក បានបញ្ជាក់ថា Victor Lindelof បានវាយតប់ជាមួយក្រុមចោរដែលលួចកាបូបពីស្ត្រីម្នាក់ ដើម្បីដណ្ដើមយកកាបូបនោះមកវិញ។ ដោយការវាយតប់គ្នានោះ មិនបានបណ្ដាលឱ្យមានរបួសស្នាមអ្វីធ្ងន់ធ្ងរទេ ហើយក៏បានជួយស្ត្រីចំណាស់វ័យ៩០ឆ្នាំនោះឱ្យទទួលបានកាបូបរបស់ខ្លួនវិញផងដែរ។ រឿងនេះ កំពុងតែទទួលបានការចាប់អារម្មណ៍មែនទែនក្នុងប្រទេសស៊ុយអែត។
ខ្សែការពាររបស់ក្រុម Man Utd ខាងលើនេះ បានក្លាយជាវីរបុរសក្រោយពីជួយស្ត្រីខាងលើ ស្របពេលមិត្តរួមក្រុមរបស់គេវិញ Maguire កំពុងដោះស្រាយទោស ដែលរូបគេបានវាយប៉ូលិសនៅក្រិកឯណោះ៕ប្រភព Dailymail