លោក Ronald Koeman បានបញ្ជាក់ថាលោកមិនត្រូវការខ្សែប្រយុទ្ធ Luis Suarez ឡើយសម្រាប់រដូវកាលថ្មីខាងមុខនេះ ដូច្នេះរូបគេអាចស្វែងរកក្លឹបថ្មីដើម្បីលេងបាន។
ក្រោយពីទទួលតំណែងជាអ្នកចាត់ការក្រុម Barcelona មក លោក Koeman មានការងារធ្វើច្រើនមែនទែន។ បច្ចុប្បន្ននេះលោកកំពុងមើលកីឡាករក្នុងក្រុម ដោយត្រូវប្រើប្រាស់នរណា និងមិនប្រើប្រាស់នរណា។ ប្រសិនបើកីឡាករដែលមិនស្ថិតក្នុងគម្រោងលោកទេ នោះលោកនឹងទាក់ទងទៅតាមទូរសព្ទភ្លាម ដើម្បីប្រាប់ដល់ពួកគេថារកក្លឹបថ្មីលេងទៅ។
ជាក់ស្ដែងខ្សែប្រយុទ្ធ Suarez ក៏បានទទួលទូរសព្ទរបស់លោក Koeman ដែរ។ អតីតអ្នកចាត់ការក្រុមហុល្លង់រូបនេះ បាននិយាយត្រង់ថារូបគេមិនស្ថិតក្នុងគម្រោងសម្រាប់រដូវកាលថ្មីឡើយ ដូច្នេះចាប់ពីពេលនេះទៅ អាចស្វែងរកក្លឹបថ្មីលេងបានហើយ៕ប្រភព Marca