ខ្សែបម្រើ Paul Pogba នឹងមិនចាកចេញទៅចោលក្រុម Manchester United នោះទេ បើទោះជាបច្ចុប្បន្នមានក្លឹបជាច្រើនចង់បានរូបគេទៅក៏ដោយ។ នេះបើតាមភ្នាក់ងារទីផ្សាររបស់គេបញ្ជាក់។
Pogba ចង់ចាកចេញពីក្រុម Man Utd កាលពីដើមរដូវកាលកន្លងទៅ តែបន្ទាប់ពីក្រុមបិសាចក្រហមទិញបាន Bruno មករួមក្រុម និងជួយក្រុមបានច្រើនមក ក៏ស្រាប់តែចិត្តគំនិតរបស់គេប្រែប្រួលតែម្ដង។ ពេលនេះ កីឡាករបារាំងលែងចង់ចាកចេញទៅណាហើយ មួយវិញទៀតរូបគេក៏កំពុងចរចាជាមួយកុងត្រាថ្មីនៅ Old Trafford ផងដែរ។
បើតាមភ្នាក់ងារទីផ្សាររបស់ Pogba បាននិយាយថារដូវក្ដៅនេះ អតីតកីឡាករ Juventus នឹងមិនចាកចេញទៅណានោះទេ។ មួយវិញទៀត បច្ចុប្បន្ន Man Utd ក៏កំពុងចរចាបន្ដកុងត្រាថ្មីឱ្យថែមទៀតផង ព្រោះប៉ុន្មានប្រកួតមកនេះរូបគេលេងបានយ៉ាងល្អជាមួយ Bruno ៕ប្រភព Dailymail
