ក្រុម Bayern Munich បានក្លាយជាជើងឯកពានរង្វាន់ UEFA Champions League ហើយ ក្រោយពីយកឈ្នះលើក្រុម PSG ក្នុងលទ្ធផល ១-០ នៅយប់មិញនេះ។
ការប្រកួតរវាងក្រុមទាំងពីរខាងលើពិតជាល្អមើលមែន ដោយ Bayern Munich សម្រុកខ្លាំងដូចរាល់ដង រហូតរកបាន១គ្រាប់ដោយ Coman ដែលជាអតីតកីឡាកររបស់ក្រុម PSG ផ្ទាល់។ ក្រោយពីមាន១គ្រាប់នេះហើយ ក្រុមជើងឯកបារាំងក៏ព្យាយាមវាយបកវិញផងដែរ ប៉ុន្តែសំណាងមិននៅខាងពួកគេឡើយ។ ចប់ការប្រកួត Bayern Munich ឈ្នះជើងឯក UEFA Champions League ក្នុងលទ្ធផល ១-០។
នេះជាការឈ្នះពានរង្វាន់ UCL លើកទី៦ហើយ សម្រាប់ក្រុម Bayern Munich ដោយពួកគេរដូវកាលនេះឈ្នះពានរង្វាន់៣តែម្ដងគិតទាំងក្នុងស្រុកទៀតនោះ។ ដោយឡែកនៅ UCL ក្រុមយក្សអាល្លឺម៉ង់មានកំណត់ត្រាឈ្នះគ្រប់ប្រកួតទាំងអស់តែម្ដង៕ប្រភព Dailymail