ខ្សែការពារ Maguire ត្រូវបានប៉ូលិសនៅក្រិកចាប់ខ្លួន បន្ទាប់ពីរូបគេនិងបុរសច្រើននាក់ទៀត បង្កជាហិង្សាឡើង ហើយប៉ះជាមួយប៉ូលិសថែមទៀតផង។
ខ្សែការពារតម្លៃ៨៥លានផោនខាងលើនេះ បានទៅធ្វើវិស្សមកាលមុនត្រលប់មកហ្វឹកហាត់វិញជាមួយក្រុមបិសាចក្រហម Manchester United ។ យ៉ាងណាមិញរឿងហិង្សាមួយបានកើតឡើង បន្ទាប់ពីរូបគេជាមួយបុរសមួយក្រុមទៀត បានប៉ះគ្នាជាមួយប៉ូលិស ហើយក៏ត្រូវចាប់ខ្លួនតែម្ដង។ បច្ចុប្បន្ននេះ គេមិនទាន់អាចចេញពីស្ថានីយប៉ូលិសបាននៅឡើយ។
សូមបញ្ជាក់ថារឿងវៃប៉ូលិសនៅក្រិក ត្រូវទទួលទោសធ្ងន់បំផុតដល់ទៅ៣ឆ្នាំឯណោះ។ យ៉ាងណាមិញ ពេលមេធាវីរបស់កីឡាករជម្រើសជាតិអង់គ្លេសខាងលើនេះ កំពុងចូលខ្លួនទៅដោះស្រាយហើយ៕ប្រភព Dailymail