ក្របខណ្ឌ Premier League បានធ្វើតេស្ដកីឡាករដែលត្រលប់ពីដំណើរកម្សាន្ដវិស្សមកាលវិញ ហើយរកឃើញថាកីឡាករដល់ទៅ១៤នាក់ហើយដែលបានឆ្លងមេរោគ Covid-19 ។
ក្រោយពីចប់លីគភ្លាម ក្លឹបទាំងអស់បានយល់ព្រមឱ្យកីឡាករសម្រាកលំហែរកាយបន្ដិច មុនពេលប្រមូលផ្ដុំហ្វឹកហាត់វិញ ដើម្បីត្រៀមបើករដូវកាលនៅខែក្រោយនេះ។ យ៉ាងណាមិញ ក្រោយពីត្រលប់មកពីសម្រាកវិញ កីឡាករទាំងអស់ត្រូវធ្វើតេស្ដរកមេរោគ Covid-19 សិន។ ក្រោយពីធ្វើតេស្ដបានកីឡាករមួយចំនួនហើយ ពេលនេះរកឃើញអ្នកមានមេរោគដល់ទៅ១៤នាក់ហើយ។ ដោយចំនួនឆ្លងនេះ ត្រូវបានគេស្មានថានឹងកើនឡើងបន្ថែមទៀត។
បើទោះជាមានចំនួនជាង១០នាក់នេះមែន ប៉ុន្តែថ្នាក់ដឹកនាំបាល់ទាត់អង់គ្លេសនៅមិនទាន់មានប្រតិកម្មអ្វីនោះទេ។ មិនត្រឹមតែប៉ុណ្ណោះ ពួកគេថែមទាំងកំពុងសិក្សាគម្រោងដើម្បីបើកឱ្យអ្នកគាំទ្រចូលទស្សនាខ្លះថែមទៀតផង៕ប្រភព Dailymail
