ក្នុងការប្រកួតពានរង្វាន់ ICC ក្រុម Liverpool បានយកឈ្នះលើក្រុមបិសាចក្រហម Manchester United ក្នុងលទ្ធផល ៤-១ នៅទឹកដីអាមេរិក។
Liverpool ដែលពោរពេញទៅដោយកីឡាករល្អៗជាច្រើន នោះអាចយកឈ្នះលើក្រុម Man Utd ដោយមិនពិបាកនោះទេ។ នៅត្រឹមនាទី២៨ ខ្សែបម្រើប្រយុទ្ធស្លាប Mane អាចរកបាន១គ្រាប់បាត់ទៅហើយ ដោយបាល់ប៉េណាល់ទី១១ម៉ែត្រ។ យ៉ាងណាមិញ ៣នាទីក្រោយមក Andreas Pereira អាចរកគ្រាប់បាល់បានស្មើវិញភ្លាមៗផងដែរនៅតង់ទី១នេះ។
ចូលមកដល់តង់ទី២ ក្រុមហង្សក្រហមមានឱកាសល្អៗជាច្រើន ហើយអាចរកបាន៣គ្រាប់បន្ថែមទៀត។ ៣គ្រាប់នោះធ្វើបានសម្រេចដោយ Sturridge នានាទី៦៦ Ojo នាទី៧៤ ដោយបាល់ប៉េណាល់ទី និង១គ្រាប់ចុងក្រោយធ្វើបានដោយ Shaqiri នៅនាទី៨២ ដោយទាត់បាល់យ៉ាងស្អាតបញ្ចូលទីតែម្ដង។
ក្រោយចប់ការប្រកួត លោក Jose Mourinho បានបញ្ជាក់ថាការបរាជ័យនេះ គឺគ្មានអ្វីអស្ចារ្យនោះទេ។ ដោយគ្រាន់តែការប្រកួតមិត្តភាពមួយប៉ុណ្ណោះ បើទោះជាចាញ់នៅមុខអ្នកទស្សនា ១០១ ២៥៤នាក់ក៏ដោយ៕ប្រភព៖ DailyMail