ក្រុម FC Barcelona បានប្រកាសជាផ្លូវការតែងតាំងលោក Koeman ឱ្យក្លាយជាអ្នកចាត់ការក្រុម បន្ដពីលោក Setien ដែលត្រូវដកចេញភ្លាមក្រោយចាញ់ Bayern Munich ។
ក្នុងឱកាសបង្ហាញខ្លួនជាផ្លូវការ លោក Koeman បាននិយាយថា៖ “ថ្ងៃនេះជាថ្ងៃសប្បាយចិត្ត និងមានមោទកភាពបំផុត។ ខ្ញុំមានឱកាសដឹកនាំក្រុមធំមួយ។ Barcelona តែងតែទាមទារកម្រិតខ្ពស់បំផុត ហើយខ្ញុំចូលចិត្តបែបនេះ។ ចំពោះរឿង Messi ចង់ចាកចេញវិញ ប្រសិនបើជារឿងពិត ខ្ញុំនឹងប្រឹងប្រែងបញ្ចុះបញ្ចូលគាត់ ដើម្បីឱ្យជួយយើងបន្ដទៀត”។
សូមបញ្ជាក់ថាអតីតអ្នកចាត់ការក្រុមជម្រើសជាតិហុរល្លង់ខាងលើនេះ ចុះកុងត្រាដឹកនាំក្រុម២ឆ្នាំ ពោលគឺពីពេលនេះដល់ឆ្នាំ២០២២។ ការពារធំបំផុតរបស់លោក គឺត្រូវធ្វើយ៉ាងណាឱ្យ Messi បន្ដនៅទីនេះទៀតបាន៕ប្រភព Marca