លោក Nasser Al-Khelaifi ប្រធានក្លឹប PSG បានអះអាងថាក្រុមរបស់លោកសក្ដិសមសម្រាប់ការឡើងដល់វគ្គផ្ដាច់ព្រ័ត្រពានរង្វាន់ UEFA Champions League នេះ។
ក្រុម PSG បានយកឈ្នះលើក្រុម Leipzig ក្នុងលទ្ធផល ៣-០ ដើម្បីឡើងទៅវគ្គផ្ដាច់ព្រ័ត្រពានរង្វាន់ UEFA Champions League ដែលជាលើកដំបូងក្នុងប្រវត្ដិសាស្ត្ររបស់ពួកគេហើយ។ ជ័យជម្នះនេះដែរ បានធ្វើឱ្យប្រធានក្លឹបលោក Nasser Al-Khelaifi សប្បាយចិត្តយ៉ាងខ្លាំង ព្រោះគោលដៅសំខាន់របស់ក្លឹបអ្នកមាននេះ គឺឡើងដល់វគ្គផ្ដាច់ព្រ័ត្រនេះហើយ។
លោក Nasser Al-Khelaifi បាននិយាយក្រោយចប់ការប្រកួតថា៖ “វាជាយប់ប្រវត្តិសាស្ត្រសម្រាប់យើងនៅ UCL វគ្គផ្ដាច់ព្រ័ត្រ។ ក្រុមមានការប្រកួតដ៏ល្អមួយជាមួយក្រុមដែលពិបាកយកឈ្នះ។ ខ្ញុំពិតជាមានមោទកភាព ចំពើកីឡាករ និងបុគ្គលិកទាំងអស់។ យើងមិនទាន់ចង់ទៅប៉ារីសវិញទេ យើងចង់បន្ដនៅទីនេះសិន”៕ប្រភព Goal
