កីឡាករ Higuain បានព្រមានដល់ Lionel Messi ថាកុំទៅលេងនៅ Premier League អី ព្រោះលីគមួយនេះ មានខ្សែការពារលេងកាចៗខ្លាំងណាស់។
Messi ក្រោយពី Barcelona ធ្វើមិនបានល្អរដូវកាលនេះ កំពុងតែត្រូវបានគេដឹងថាចង់ចាកចេញហើយ។ ដោយអាចនឹងមានជម្រើស២សម្រាប់ពួកគេគឺទៅលេងនៅ Inter Milan របស់អ៊ីតាលី និងលេងនៅ Man City ក្រោមការដឹកនាំរបស់លោក Pep នៅអង់គ្លេស។ តែអំឡុងពេលលេចឮដំណឹងនេះដែរ ក៏ស្រាប់តែ Higuain ដែលជាមិត្តរួមសញ្ជាតិរបស់ Messi នោះចេញមុខមកប្រាប់ថាកុំទៅអីល្អជាង។
ខ្សែប្រយុទ្ធដែលលេងនៅអង់គ្លេសបានពាក់កណ្ដាលរដូវកាលជាមួយក្រុម Chelsea បានអះអាងថា៖ “ខ្ញុំឈឺច្រើនណាស់នៅ Premier League ហើយពិបាកសម្របខ្លួនមែនទែន។ វាគ្មានអ្វីដូច La Liga នោះទេ។ នៅទីនោះ ខ្សែការពារនឹងទាត់អ្នកមិនខាន”៕ប្រភព Marca