James Rodriguez បាននិយាយពីអនាគតរបស់ខ្លួនហើយ ថាអាចនឹងទៅលេងនៅលីគកំពូលអង់គ្លេស បន្ទាប់ពីរូបគេមិនមានឱកាសដើម្បីលេងនៅក្រុម Real Madrid នោះទេ។James ជាកីឡាករលេងល្អបំផុតម្នាក់នៅព្រឹត្តិការណ៍ World Cup 2014 នាប្រទេសប្រេស៊ីល។ ក្រោយមក រូបគេក៏ត្រូវបានក្រុម Real Madrid ទិញយកបាន ប៉ុន្តែកីឡាកររូបនេះមិនជោគជ័យនៅក្លឹបយក្សអេស្ប៉ាញនេះឡើយ។ ខ្សែបម្រើកូឡុំប៊ីម្នាក់នេះ មានឱកាសលេងតិចណាស់ ក្រោមការដឹកនាំរបស់លោក Zidane ហើយក៏ត្រូវដាក់ឱ្យគេខ្ចីជើងច្រើនដែរ។
ដោយសារតែមិនមានឱកាសលេងនេះហើយ ទើបបានជារដូវកាលក្រោយនេះ រូបគេអាចនឹងចាកចេញពីអេស្ប៉ាញហើយ។ ដោយមិនបានបញ្ជាក់ពីក្លឹបថ្មីមួយណា ប៉ុន្តែអតីតកីឡាករ Monaco រូបនេះជឿជាក់ថានៅលីគកំពូលអង់គ្លេសគឺជាជម្រើសដ៏ល្អបំផុតមួយសម្រាប់រូបគេហើយ៕