ខ្សែប្រយុទ្ធ Luis Suarez អាចនឹងត្រលប់ទៅលេងនៅក្លឹប Ajax វិញហើយ ក្រោយពីការលេងនៅក្រុម FC Barcelona របស់គេកាន់តែមានតិចទៅ។ក្រោយពីបរាជ័យក្រោមថ្វីជើងក្រុម Bayern Munich ក្នុងលទ្ធផល ៨-២ មក ថ្នាក់ដឹកនាំក្លឹបទំនងជាមានការរុះរើកីឡាករទ្រង់ទ្រាយធំមិនខាន។ ដោយក្នុងនោះ Suarez ដែលមានវ័យជ្រេទៅហើយនោះ ក៏អាចនឹងត្រូវដាក់លក់ឱ្យក្រុមដទៃដែរ ក្រោយពីរដូវកាលនេះរូបគេមានបញ្ហារបួសច្រើន មិនសូវបានជួយក្រុមឡើយ។
ដោយសល់កុងត្រា១រដូវកាលទៀត ក្រុម Ajax ដែលជាក្លឹបចាស់របស់គេនោះ កំពុងចែចូវខ្សែប្រយុទ្ធអ៊ុយរុយហ្គាយរូបនេះទៅលេងឱ្យហើយ។ ពួកគេមានសង្ឃឹមច្រើនថានឹងអាចយកបានអតីតកីឡាករ Liverpool រូបនេះ ព្រោះថារូបគេក៏ធ្លាប់បង្ហើបថាចង់ទៅលេងនៅ Ajax វិញផងដែរនៅវ័យកាន់តែជ្រេទៅ៕
ប្រភព៖ DailyMail