លោក Jurgen Klopp បានបង្ហើបគម្រោងចូលនិវត្តន៍តែម្ដង នៅពេលដែលលោកលែងដឹកនាំក្រុម Liverpool តទៅទៀត នៅពេលអនាគត។បុរសវ័យ៥៣ឆ្នាំខាងលើនេះ នៅសល់កុងត្រាដឹកនាំក្រុម Liverpool ដល់ឆ្នាំ២០២៤ឯណោះ។ ដោយក្រោយពីជួយក្រុមឈ្នះ UEFA Champions League ឆ្នាំមុន និងឆ្នាំនេះឈ្នះពានរង្វាន់លីគទៀត បានធ្វើឱ្យកេរ្ដិ៍ឈ្មោះរបស់លោកល្បីមែនទែន ហើយអ្នកគាំទ្រក្រុមហង្សក្រហមវិញក៏សប្បាយចិត្តខ្លាំងណាស់ដែរ។
ដោយឡែកសាមីខ្លួនផ្ទាល់វិញ ក៏យល់ស្របដែរថាពិតជាស្រលាញ់ក្រុម Liverpool ខ្លាំងណាស់។ ដោយលោកអាចនឹងចូលនិវត្តន៍ពីវិស័យបាល់ទាត់តែម្ដង នៅពេលដែលកុងត្រានៅក្រុម Liverpool អស់ ឬក្លឹបនេះលែងត្រូវការលោកតទៅទៀត។ តែសម្រាប់បច្ចុប្បន្ននេះ លោកចង់ឈ្នះពានរង្វាន់ជាច្រើនទៀតសម្រាប់ក្រុម Liverpool សិន៕
ប្រភព៖ DailyMail