ត្បិតបើទទួលរងបរាជ័យនៅលទ្ធផល ២-១ ក្រោមថ្វីជើងរបស់ Sevilla ប៉ុន្តែ Bruno Fernandes នៅតែបង្កើនតួលេខគ្រាប់បាល់សម្រាប់ខ្លួនឯងមួយគ្រាប់បន្ថែមទៀតដដែល។
ចាប់តាំងពីផ្ទេរមកចូលរួមនៅ Man Utd និងបង្ហាញខ្លួនជាផ្លូវការលើទីលានប្រកួតនៅកំឡុងខែកុម្ភៈ ឆ្នាំ ២០២០ នេះរៀងមក ខ្សែបម្រើសញ្ជាតិព័រទុយហ្គាល់ធ្វើបាន ១២ គ្រាប់និង Assist ៨ លើក ដែលនេះអាចនិយាយថាបានចូលរួមចំណែកនៅការបង្កើតគ្រាប់បាល់ចំនួន ២០ គ្រាប់ឲ្យក្លឹប។
ជាស្ថិតស្មើគ្នានឹង Kai Havertz ក៏ដូចជា Cristiano Ronaldo ហើយកីឡាករតែ ២ រូបប៉ុណ្ណោះដែលមានស្ថិតិល្អជាង Bruno Fernandes នោះគឺ Robert Lewandoski មានចំណែកបង្កើតគ្រាប់បាល់ ២៨ គ្រាប់ ស្របពេលដែលអ្នកបន្ទាប់ Lionel Messi មានចំណែក ២៧ គ្រាប់៕
ប្រភព៖ Opta