អ្នកចាំទីរបស់ក្លិបគិរីវង់សុខសែនជ័យ កីឡាករ គង់ រ៉ាហ្វាតបានឲ្យដឹងថា រូបគេនៅតឬបន្តពាក់ប្រដាប់ការពារក្បាលបន្តមួយរយៈទៀតហើយ នៅមិនទាន់ច្បាស់ថ្ងៃណាត្រូវឈប់ពាក់នោះទេ ហើយរូបគរេបានបញ្ជាក់ពីគុណសម្បត្តិរបស់ប្រដាប់ការពារលក្បាលនេះថា បានបង្កលក្ខណៈងាយស្រួលយ៉ាងច្រើនទាំងពេលហ្វឹកហាត់ និងពេលប្រកួតជាផ្លូវការ។
និយាយក្នុងវេបសាយ CNCC អតីតអ្នកចាំទីមានប្រភពពីយុវជនថ្នាល់បាទីរូបនេះថា“៖ខ្ញុំអត់ទាន់ច្បាស់ទេបង ព្រោះនៅពេលដែលខ្ញុំពាក់វា គឺងាយស្រួលក្នុងការហ្វឹកហាត់ និងការប្រកួត។ ខ្ញុំមានទំនុកចិត្តពេលចេញទៅសង្គ្រោះបាល់ដោយមិនសូវបារម្ភ និងមិនខ្លាច។ សម្រាប់ខ្លួនខ្ញុំ គឺនៅមានបញ្ហាជាប់ក និងនៅឈឺចង្កា។”
អ្នកចាំទី គង់ រ៉ាហ្វាត បានរងរបួសរហូតសន្លប់ធំក្រោយប៉ះទង្គិចគ្នាដោយយថាហេតុជាមួយខ្សែការពារសមាគមបាល់ទាត់កងយោធពខេមរភូមិន្ទ ខែក ខេមរិន្ទ ពេលលោតទះបាល់ជ្រុងនៅនាទី៥៣ ក្នុងជំនួប Metfone Cambodian League កាលថ្ងៃសៅរ៍ ទី០១ ខែសីហា ហើយក៏ត្រូវបានបញ្ជូនទៅកាន់មន្ទីរពេទ្យភ្លាមៗ៕
ប្រភពនិងរូបភាព៖ CNCC