Miguel Baezaដែលរដូវកាលចាស់ធ្លាប់លេងឲ្យឈុត Real Madrid Castilla ទីបំផុតបានក្លាយជាកីឡាករទី ៣ បានចុះហត្ថលេខាឲ្យក្លឹប Celta Vigo នៅរដូវកាល ២០២០/២១ ហើយ។
យុវជនវ័យ ២០ ឆ្នាំ លេងនៅតំណែងបម្រើ គ្រាលេងឲ្យ Castilla ដែលស្ថិតក្រោមការដឹកនាំដោយលោក Raul គេរកបាន ៩ គ្រាប់ នៅ ២៦ ប្រកួត ហើយតាមដឹងតម្លៃផ្ទេរចេញរបស់គេលើកុងត្រាដល់ឆ្នាំ ២០២៥ ជាមួយ Celta មានតម្លៃ ២,៥ លានអឺរ៉ូ។
បញ្ជាក់ថា Celta Vigo នារដូវកាលចាស់ ២០១៩/២០ ប៊ិះតែនឹងធ្លាក់ទៅដល់តំបន់ត្រូវកាត់ឈ្មោះចេញ ពោលគឺនាំមុខ Leganes តែ ១ ពិន្ទុប៉ុណ្ណោះ បែបនេះនៅរដូវកាលក្រោយក្រុមនៅតែមានឈ្មោះលេងនៅលីគលំដាប់ទី ១ អេស្ប៉ាញដដែល ហើយការនាំយកយុវជនថ្មីចូលក្រុមសង្ឃឹមថានឹងអាចនាំផ្លែផ្កាប្រសើរជាងមុន៕
ប្រភព៖ BeSoccer