ក្រុម Manchester City នឹងត្រូវប្រកួតជាមួយក្រុម Lyon នៅម៉ោង២រំលងអាធ្រាត្រនេះ សម្រាប់ការប្រកួតវគ្គ៨ក្រុមចុងក្រោយ UEFA Champions League ។
ដោយសារតែការប្រកួត UCL នៅពេលនេះលេងតែមួយជើង ហើយនៅដីកណ្ដាលថែមទៀតនោះ ទើបបានជាលោក Pep ថាគ្មានក្រុមណាមានប្រៀបជាងក្រុមណានោះទេ។ Lyon ក៏ជាក្រុមមានសមត្ថភាពមួយដែរ មិនអាចមើលស្រាលបានឡើយ ខណៈដែលការប្រកួតវិញមានតែមួយជើងប៉ុណ្ណោះ។
អ្នកចាត់ការដែលទើបទម្លាក់ក្រុម Real Madrid បានបញ្ជាក់បន្ថែមទៀតថា៖ “វាដល់ពេលដែលយើងត្រូវបង្ហាញសមត្ថភាពហើយ។ ខ្ញុំចង់ឃើញក្រុមរបស់ខ្ញុំ បង្ហាញថាពួកគេជានរណា ជាមួយការតាំងចិត្ត ប្រមូលអារម្មណ៍ និងធ្វើឱ្យបានល្អបំផុត។ អ្វីគ្រប់យ៉ាងសុទ្ធតែអាចកើតឡើងបានក្នុងការប្រកួតតែមួយជើងបែបនេះ។ ក្នុងការប្រកួតគ្មានក្រុមណាជាក្រុមដែលមានភាគរយឈ្នះច្រើនជាងគេនោះទេ”៕ប្រភព Dailymail