ក្រុម Atletico Madrid នឹងប៉ះជាមួយក្រុម RB Leipzig នៅម៉ោង២រំលងអាធ្រាត្រនេះ សម្រាប់ការប្រកួតពានរង្វាន់ UEFA Champions League វគ្គ៨ក្រុមចុងក្រោយ។
មុនការប្រកួតនេះដែរ លោក Simeone អ្នកចាត់ការក្រុម AT Madrid បានបង្ហាញចំណាប់អារម្មណ៍ថា៖
“វាជាការប្រកួតធំមួយដែលប៉ះជាមួយក្រុមដ៏ល្អ និងអ្នកចាត់ការដ៏អស្ចារ្យ។ ពួកគេជាក្រុមមួយដែលលេងផ្លាស់ទីលឿន និងប្រយុទ្ធច្រើន។ ចំនួនគ្រាប់បាល់ដែលគេរកបាន បញ្ជាក់ច្បាស់ថាពួកគេមានសមត្ថភាព។ ដូច្នេះយើងត្រូវតែគោរពពួកគេ”។
ក្រុម AT Madrid នៅរដូវកាលនេះលេងនៅ UCL ពិតជាបានល្អមែនទែន ដោយពួកគេបានទម្លាក់ក្រុមការពារតំណែងជើងឯក Liverpool នៅវគ្គ១៦ក្រុមបាន។ តែអ្វីដែលសោកស្ដាយនោះ នៅរាត្រីនេះ ពួកគេនឹងអវត្តមានកីឡាករ២នាក់ដោយសារតែរកឃើញថាមានផ្ទុកមេរោគ Covid-19 ៕ប្រភព Marca