ក្រុម PSG បានទៅដល់ទឹកដីអាល្លឺម៉ង់ហើយ ដើម្បីត្រៀមលេងវគ្គ៨ក្រុមចុងក្រោយពានរង្វាន់ UEFA Champions League ទល់ក្រុម Atalanta នៅម៉ោង២រំលងអាធ្រាត្រនេះ។
ក្នុងដំណើរទៅនោះដែរ គេសង្កេតឃើញអ្នកចាត់ការ Thomas Tuchel របស់ក្រុម PSG ដើរឈើច្រត់ទៅហើយ ដោយសារតែមានបញ្ហារបួសជើង។ បុរសវ័យ៤៦ឆ្នាំនេះ បានរងរបួសអំឡុងពេលដឹកនាំក្រុមហ្វឹកហាត់កាលពីថ្ងៃព្រហស្បតិ៍កន្លងទៅនេះ។ ដោយលោកត្រូវបានគេដាក់បញ្ចូលក្នុងបញ្ជីឈ្មោះអ្នករបួសរបស់ PSG ក្នុងការប្រកួតទល់ក្រុម Atalanta ខាងមុខផងដែរ។
បច្ចុប្បន្ននេះ PSG ត្បិតតែគេមើលឃើញថាមានប្រៀបជាងក្រុមនៅអ៊ីតាលីមែន ប៉ុន្តែជាក់ស្ដែងទៅក្រុមនេះបានបាត់បង់កីឡាករល្អជាច្រើនដោយសារតែបញ្ហារបួស។ Marco Verratti, Layvin Kurzawaនិង Thilo Kehrer សុទ្ធតែរបួសមិនអាចលេងបាន ខណៈដែលខ្សែប្រយុទ្ធសំខាន់ Mbappe វិញ អាចចូលហាត់បានវិញតិចៗ ប៉ុន្តែមិនច្បាស់លាស់១០០%នោះទេ៕ប្រភព Dailymail
