ក្រុម Sevilla បានឡើងទៅវគ្គពាក់កណ្ដាលផ្ដាច់ព្រ័ត្រហើយ ក្រោយពីយកឈ្នះលើក្រុម Wolves ក្នុងលទ្ធផល ១-០ កាលពីយប់មិញនេះក្នុងពាន Europa League ។
សម្រាប់ការប្រកួតនេះដែរ ក្រុមអង់គ្លេស Wolves មានឱកាសប៉េណាល់ទី១គ្រាប់នៅដើមតង់ទី១ ប៉ុន្តែគួរឱ្យស្ដាយ Raul Jimenez ធ្វើមិនបានសម្រេចឡើយ។ ការខកខានឱកាសមាសនេះហើយ ទើបធ្វើឱ្យក្រុមមួយនេះរបូតចេញពីពានរង្វាន់លីគលំដាប់ទី២នេះ ព្រោះក្រុម Sevilla របស់អេស្ប៉ាញរកបាន១គ្រាប់ដែលជាគ្រាប់បាល់ជ័យជម្នះនៅនាទី៨៨ចុងបញ្ចប់នៃការប្រកួតទៅហើយ។
ការឡើងទៅវគ្គពាក់កណ្ដាលផ្ដាច់ព្រ័ត្រនេះដែរ ក្រុម Sevilla នឹងតតាំងជាមួយក្រុម Manchester United នៅថ្ងៃទី១៦ខែសីហាឆ្នាំ២០២០ខាងមុខនេះ៕ប្រភព Dailymail