ប្រធានក្រុម Lionel Messi មិនអាចហ្វឹកហាត់ជាមួយក្រុមបានទេ ដោយសារមានបញ្ហារបួស ក្រោយពីលេងទល់ក្រុម Napoli កន្លងទៅនេះ។
ស្របពេលការប្រកួតទល់ក្រុម Bayern Munich កាន់តែកៀកថែមទៀតនោះ បានធ្វើឱ្យអ្នកគាំទ្រជាច្រើនកំពុងបារម្ភខ្លាំង។ ខ្សែប្រយុទ្ធ Messi ចូលរួមចំណែកយ៉ាងខ្លាំងគ្រប់ប្រកួតទាំងអស់របស់ក្រុមអ្នកមានបុណ្យ ប្រសិនបើអវត្តមានរូបគេពេលប៉ះក្រុម Bayern Munich នោះនឹងក្លាយជាកង្វល់ធំសម្រាប់ក្រុមលោក Setien មិនខាន។ កីឡាករអាហ្សង់ទីននេះ មានបញ្ហារបួសជើង ដែលគេមិនទាន់ច្បាស់ថាធ្ងន់ធ្ងរឬតិចតួចនោះទេ ដោយគ្រាន់តែរូបគេអវត្ដមានមិនអាចហាត់បានជាមួយក្រុមឡើយ។
លោក Setien អ្នកចាត់ការក្រុម Barcelona អះអាងថារបួសនោះមិនធ្ងន់ធ្ងរខ្លាំងទេ ហើយលោករំពឹងថាប្រធានក្រុមម្នាក់នេះនឹងអាចលេងបានទល់ក្រុម Bayern Munich ។ ការអវត្តមានពីទីលានហ្វឹកហាត់ម្សិលមិញនេះ ដោយសារតែក្រុមមិនចង់ប្រញាប់ឱ្យ Messi ហ្វឹកហាត់វិញប៉ុណ្ណោះ៕ប្រភព Dailymail