អ្នកចាត់ការថ្មីរបស់ក្រុម Juventus លោក Andrea Pirlo មិនមានបំណងប្រើប្រាស់ខ្សែបម្រើ Aaron Ramsey នោះទេ ដូច្នេះទំនងជាដាក់លក់នៅរដូវកាលដោះដូរកីឡាករនេះហើយ។
ខ្សែបម្រើវ័យ២៩ឆ្នាំទើបតែចូលលេងឱ្យក្រុម Juventus បាន១រដូវកាលប៉ុណ្ណោះ ប៉ុន្តែរូបគេក៏មិនទទួលបានការចាប់អារម្មណ៍ច្រើនដែរ។ ការបង្ហាញទម្រង់លេងមិនទាន់ល្អដល់កម្រិតនេះហើយ ទើបបានជាអ្នកចាត់ការ Pirlo ចង់លក់ចេញ ដើម្បីមានកន្លែងសម្រាប់កីឡាករថ្មីចូល។
អតីតកីឡាករ Juventus ដែលឡើងមកជំនួសតំណែងលោក Sarri នេះ មើលឃើញថាក្រុមត្រូវការបម្រើដែលមានទម្រង់លេងប្រយុទ្ធល្អ និងយល់ចិត្តជាមួយ Ronaldo ទើបអាចធ្វើឱ្យអតីតកីឡាករ Real Madrid លេងល្អឡើងវិញបាន។ ដោយខ្សែបម្រើម្នាក់ដែល Pirlo ធ្លាប់ចង់បាននិងមើលឃើញសមត្ថភាពថាល្អនោះគឺកីឡាករ Isco របស់ក្រុម Real Madrid ៕ប្រភព Dailymail