Man Utd បានយកឈ្នះទៅលើក្លឹប Copenhagen នៅលទ្ធផល ១-០ ត្បិតគ្រាប់បាល់កើតឡើងស្ដួចស្ដើងមែន តែការវាយសម្រុករបស់ United ធ្វើបានល្អខ្លាំង ហើយបង្កើតឱកាសស៊ុតចេញពីជើងសរុបដល់ទៅ ២៦ លើកឯណោះ។
ក្រោយបញ្ចប់ការប្រកួត អតីតជើងចាស់របស់ក្រុមគឺលោក Robin van Persie បានបង្ហាញការសរសើរមិនដាច់ពីមាត់ដល់កីឡាករ Anthony Martial ដោយលោកគិតថាខ្សែប្រយុទ្ធរូបនេះ ជាអ្នកធ្វើបានល្អបំផុតប្រចាំការប្រកួតហើយ។
បញ្ជាក់ពី Van Persie និយាយ៖ “កីឡាករល្អបំផុតសម្រាប់ខ្ញុំយប់នេះគឺជា Martial ដោយគេលឿនណាស់ តើគេធ្វើបានដោយរបៀបណាទៅ ដោយពិតជារីករាយនឹងការទស្សនាការលេងរបស់គេ ហើយការលេងរបស់គេក៏សម្លឹងឃើញគ្នីគ្នាលើទីលានច្រើនដែរ ពោលមិនមែនលេងតែឯកឯងទេ”។
រំឭកថានៅវគ្គបន្ទាប់ Man Utd នឹងត្រូវរង់ចាំអុតមើលលទ្ធផលនៃប្រកួតរវាងក្រុមឯទៀត ប៉ុន្តែគូបដិបក្ខរបស់ពួកគេគឺបានចាប់ឆ្នោតសម្រេចរួចទៅហើយ នោះគឺរវាង Wolves ឬ Sevilla ដែលត្រូវប៉ះគ្នារាត្រីនេះ៕