យោងតាមលិខិតដែលបានចេញដោយ គណៈកម្មាការប្រកួតបាល់ទាត់ជាតិកម្ពុជា (CNCC) បានឲ្យដឹងថាការដោះដូរកីឡាករបានបើកជាផ្លូវការរួចទៅហើយពោលគឺ បានបើកតាំងពីថ្ងៃទី០៨ ខែសីហា ហើយគ្រោងនឹងបិទនៅថ្ងៃទីដល់ថ្ងៃទី០៧ ខែកញ្ញា ឆ្នាំ២០២០ ពោលគឺយោងតាមច្បាប់របស់សហព័ន្ធកីឡាបាល់ទាត់ពិភពលោក (FIFA) ផងដែរ។
ចំពោះការអនុញ្ញាតិឲ្យមានការដោះដូរសម្រាប់ជើងទី២លីគកំពូលកម្ពុជានេះដែរ គឺក្លិបនីមួយៗអាចធ្វើការនាំចេញនាំចូលកីឡាករច្រើនបំផុត ៥រូប ក្នុងនោះកម្ពុជា ៣រូប និងបរទេស ២រូប។ មែនទែនទៅ! គិតមកដល់ពេលនេះនៅសល់ពេលវេលា២អាទិត្យទៀត ដើម្បីបញ្ចប់កាលបរិច្ឆេទដោះដូរប៉ុន្តែក្នុងលីគកំពូលកម្ពុជាពេលនេះមិនទាន់មានការដោះដូរណាមួយយ៉ាងសស្រាក់សស្រាំនោះទេ ខណៈគេឃើញព័ត៌មានផ្លូវការមួយគឺ ម៉ាត់ យ៉ាម៊ីនទៅចុះកុងត្រាជាមួយក្លិបនគរបាលជាតិ៕