ខ្សែប្រយុទ្ធ Luis Suarez បានយល់ឃើញថាក្រុម Bayern Munich គឺជាក្រុមមួយដែលមានភាគរយខ្ពស់ក្នុងការឈ្នះពានរង្វាន់ UEFA Champions League បានរដូវកាលនេះ។
ក្រុម FC Barcelona បានឡើងវគ្ក៨ក្រុមចុងក្រោយហើយ ដោយត្រូវប៉ះជាមួយក្រុម Bayern Munich នៅទីក្រុង Lisbon ប្រទេសព័រទុយហ្គាល់។ ការប្រកួតនៅវគ្គ៨ក្រុមចុងក្រោយនេះដែរ នឹងលេងដោយប្រើរូបមន្ដថ្មី ពោលគឺលេងតែមួយជើងប៉ុណ្ណោះ ចាញ់ធ្លាក់តែម្ដង។ ដោយការប្រកួតនឹងចាប់ផ្ដើមពីថ្ងៃទី១៣ខែសីហាឆ្នាំ២០២០នេះតទៅ។
ចំពោះការប៉ះក្រុមខ្លាំង Bayern Munich នេះដែរ ខ្សែប្រយុទ្ធ Suarez បាននិយាយថា៖ “ក្នុងការប្រកួត គ្រប់គ្នាសុទ្ធតែមានឱកាស។ ពួកគេជាក្រុមល្អមួយ ជាក្រុមមានភាគរយខ្ពស់មួយក្នុងការឈ្នះពាន។ ប៉ុន្តែយើងត្រូវការលេងប្រកួតនេះ។ អ្វីដែលសំខាន់យើងបានឡើងទៅវគ្គបន្ដហើយ យើងត្រូវលេងទល់ក្រុមណាក៏បានដែរ”៕ប្រភព MARCA