ក្រុម Manchester City ក៏មានឈ្មោះក្នុង៨ក្រុមចុងក្រោយធ្វើដំណើរទៅប្រទេសព័រទុយហ្គាល់ លេងពានរង្វាន់ UEFA Champions League ផងដែរ ក្រោយពីយកឈ្នះលើក្រុម Real Madrid កន្លងមក។
ការប្រកួតនៅវគ្គ៨ក្រុមនេះនឹងប្លែកខុសពីរាល់ឆ្នាំ ដោយលេងនៅព័រទុយហ្គាល់ហើយលេងតែមួយជើងប៉ុណ្ណោះកំណត់យកក្រុមឈ្នះចាញ់តែម្ដង។ ដោយសារតែលេងបែបនេះហើយ ទើបបានជាលោក Pep អ្នកចាត់ការក្រុម Man City ចាត់ទុកថានេះជាការប្រកួត World Cup របស់ក្រុមខ្លួន។ លោកបានព្រមានកីឡាករទាំងអស់ថាមិនត្រូវធ្វេសប្រហែសឡើយ ព្រោះមិនមានឱកាសទី២ទៀតសម្រាប់ពួកគេឡើយ។
រំលឹកថាក្រុម Man City នឹងប៉ះក្រុម Lyon របស់បារាំង ដែលឡើងមកដោយសារឈ្នះក្រុម Juventus ។ គេរំពឹងថាលោក Pep អាចឆ្លងផុតវគ្គ៨ក្រុមចុងក្រោយនេះ ព្រោះ Lyon នៅមានកម្រិតមិនអាចប្រៀបជាមួយក្រុមខ្លាំងអង់គ្លេសបាន៕ប្រភព Dailymail
