ការប្រកួតវគ្គ ១៦ ក្រុមចុងក្រោយ ព្រឹត្តិការណ៍ UEFA Champions League រដូវកាល ២០១៩/២០ បានបញ្ចប់ទៅហើយនៅព្រឹកថ្ងៃទី ៩ សីហានេះ ដោយយើងក៏បានរកឃើញក្រុមដែលត្រូវហាលអាវ និងក្រុមទាំង ៨ ដែលឆ្ពោះមកកាន់វគ្គបន្ទាប់ផងដែរ។
ក្នុងនោះនៅសល់ក្រុមអាល្លឺម៉ង់ ២ អេស្ប៉ាញ ២ បារាំង ២ អង់គ្លេស ១ និងអ៊ីតាលី ១ ហើយការជួបគ្នាមានដូចជា RB Leipzig ត្រូវប៉ះ Atletico Madrid ស្របពេលដែល Atalanta ជាក្រុមអ៊ីតាលីសេសសល់តែមួយនោះ ត្រូវជួប Paris Saint-Germain ហើយ Manchester City ជួបក្រុម Lyon និង Barcelona ជួបជាមួយម្ចាស់ជើងឯកនៅ Bundesliga គឺ Bayern Munich។
បញ្ជាក់ថាការប្រកួតជើងទី ២ នឹងធ្វើឡើងនៅថ្ងៃទី ១២ ដល់ ១៥ សីហា ឆ្នាំ ២០២០ ពោលគឺចន្លោះពាក់កណ្ដាលសប្ដាហ៍ក្រោយតទៅ ហើយសម្រាកបានតែជាង ៣ ថ្ងៃប៉ុណ្ណោះ មុនបន្តទៅកាន់វគ្គពាក់កណ្ដាលផ្ដាច់ព្រ័ត្រ ខណៈដែលការប្រកួតបញ្ចប់ធ្វើឡើងនៅថ្ងៃទី ២៣ សីហា។ ការផ្សាយផ្ទាល់រាល់គូពិសេសទាំងអស់ ប្រិយមិត្តអាចតាមដានបានយ៉ាងងាយស្រួលនៅលើទំព័រ CTS Sports៕