Cristiano Ronaldo នឹងបង្ហាញខ្លួនជាផ្លូវការក្នុងការប្រកួតឱ្យ Juventus នៅថ្ងៃទី១៨ខែសីហាឆ្នាំ២០១៨ខាងមុខនេះ នាការប្រកួតបើករដូវកាល Serie A ទល់ក្រុម Chievo ។
ខ្សែប្រយុទ្ធវ័យ៣៣ឆ្នាំខាងលើនេះ ត្រូវបានក្លឹប Juventus អនុញ្ញាតឱ្យសម្រាកលំហែកាយអំឡុងពេលប្រកួត Pre-Season នេះ។ ខណៈដែលថ្ងៃបង្ហាញខ្លួនរបស់គេនឹងត្រូវចំថ្ងៃបើកឆាកប៉ះជាមួយក្រុម Chievo តែម្ដង។ អ្នកគាំទ្រក្រុម Juventus ជាច្រើនកំពុងរង់ចាំវត្តមានរបស់កំពូលកីឡាករព័រទុយហ្គាល់ខាងលើនេះ ក្រោយពីក្លឹបបានចុះកុងត្រាជាផ្លូវការជាមួយរូបគេរួចមកក្នុងតម្លៃខ្លួនជាង១០០លានដុល្លារ។
បើទោះជាមិនទាន់បង្ហាញវត្តមានជាផ្លូវការមែន ប៉ុន្តែ Ronaldo ត្រូវបានអ្នកគាំទ្រនៅអ៊ីតាលីពេញចិត្តបាត់ទៅហើយ។ ដោយគ្រាន់តែការប្រកាសជាផ្លូវការភ្លាម អាវលេខ៧របស់ Juventus ដែលមានឈ្មោះ Ronaldo នៅពីក្រោយ លក់ដាច់យ៉ាងខ្លាំង លើសការរំពឹងទុក៕ប្រភព៖ DailyMail