ក្រុម Real Madrid បានបរាជ័យក្រោមថ្វីជើងក្រុម Manchester City ក្នុងលទ្ធផល ២-១ ទៀតនៅជើងទី២នេះ ដែលធ្វើឱ្យពួកគេបរាជ័យទាំងពីរជើង ៤-២ នៅវគ្គ១៦ក្រុមចុងក្រោយ UEFA Champions League ។
២គ្រាប់របស់ក្រុម Man City នៅយប់មិញនេះ កើតឡើងក្រោយពីខ្សែការពារ Varane បង្កកំហុសធ្វើឱ្យកីឡាកររបស់ក្រុមលោក Pep មានឱកាសឆក់យកបាល់បាន ដើម្បីសម្រេចទីតែម្ដង។ យ៉ាងណាមិញ កំហុសដែលបង្កឱ្យមានគ្រាប់បាល់២គ្រាប់នេះដែរ ធ្វើឱ្យខ្សែការពារបារាំងទទួលកំហុស និងសុំទោសជាសាធារណៈដល់អ្នកគាំទ្រ និងសមាជិកក្រុមផងដែរ។
Varane បាននិយាយក្រោយចប់ការប្រកួតថា៖ “ខ្ញុំចង់បង្ហាញមុខរបស់ខ្ញុំ ខ្ញុំជាអ្នកបង្កើតកំហុស។ នេះជាខ្ញុំ ហើយយើងបានបរាជ័យហើយ។ ខ្ញុំសុំទោសមិត្តរួមក្រុម ហើយខ្ញុំក៏មិនសប្បាយចិត្តដែរ ពេលយើងធ្លាក់ត្រឹមវគ្គនេះ។ វាមិនកើតឡើងច្រើនទេក្នុងអាជីពបាល់ទាត់របស់ខ្ញុំកន្លងមកនេះ”៕ប្រភព Dailymail
