ក្លិបបាល់ទាត់ភ្នំពេញក្រោនបានរើសយុវជនវ័យក្រោម១៨ឆ្នាំរបស់ខ្លួនមកចូលរួមជាមួយក្រុមឈុតធំដើម្បីបើកឱកាសលេងក្នុងពានរង្វាន់សម្ដេចហ៊ុន សែនថ្នាក់ជាតិដេលនឹងចូលមកដល់ខែចុងខែនេះ។
កីឡាករទាំង៦នាក់នោះមាន កីឡាករសំណាង រិទ្ធី ដែលបានផ្ទេរមកកាន់ក្លឹបនាដើមរដូវកាលនេះ ត្រូវបានចុះក្នុងបញ្ជី និងបូករួមកីឡាករ៥នាក់ផ្សេងទៀតមកពីក្រុមយុវជនថ្នាលអាយុក្រោម១៨ឆ្នាំរួមមាន អ្នកចាំទី គឹម ចាន់វុទ្ធី, ខ្សែការពារ ទីន រ៉ូហ្សា និង គន្ធ ឧត្តម, ខ្សែបម្រើ ជឹម ណាវីន និង រស់ ដារ៉ាពេជ្រ លេងក្នុងជំហរប្រយុទ្ធ។
ក្លឹបបាល់ទាត់ភ្នំពេញក្រោន នឹងត្រូវជួប ក្លឹបបាល់ទាត់អាសុីអឺរ៉ុបយូណាយធីត នាថ្ងៃទី ១២ ខែសីហា វេលាម៉ោង ៦ល្ងាចនៅលើកីឡដ្ឋាន Smart RSN។ ខណៈជើងទី ២ លេងនៅថ្ងៃទី ២០ ខែសីហា នៅកីឡដ្ឋាន AEU Sport Park ម៉ោង ៣និង៣០នាទីរសៀល៕
ប្រភពនិងរូបភាព៖ភ្នំពេញក្រោន