ក្រុម Manchester City បានបង្ហាញមុខខ្សែការពារទើបទិញចូល Nathan Ake តម្លៃ៤០លានផោន ទិញពីក្រុម Bournemouth ជាផ្លូវការហើយ។
គ្រាន់តែចប់រដូវកាលភ្លាម លោក Pep មិនឱ្យទំនេរដៃឡើយ ពោលគឺលោកចាប់ផ្ដើមជ្រើសរើសកីឡាករ ដើម្បីទិញភ្លាមតែម្ដង។ Torres របស់ Valencia ជាកីឡាករដំបូងដែលលោកសម្រេចទិញមកជួយតំបន់ប្រយុទ្ធ។ ស្របពេលនេះ ក្រុម Man City ក៏បានបង្ហាញមុខកីឡាករថ្មីទី ២ គឺ Ake ដែលមានតម្លៃខ្លួន៤០លានផោនទៀត។
កីឡាករវ័យ២៥ឆ្នាំនេះ បង្ហាញខ្លួនឱ្យ Bournemouth បាន១២១ប្រកួត ចាប់តាំងពីផ្លាស់មកពីក្រុម Chelsea នៅឆ្នាំ២០១៧កន្លងទៅ។ រូបគេបានក្លាយជារនាំងយ៉ាងរឹងមាំឱ្យក្រុម Bournemouth ប៉ុន្មានរដូវកាលមកនេះ ហើយក៏មានក្លឹបជាច្រើនចង់បានផងដែរ តែប្រជែងមិនឈ្នះ Man City ឡើយ។ លោក Pep បានចំណាយប្រាក់៤០លានផោន ដើម្បីទិញផ្ដាច់កុងត្រារបស់គេ៕ប្រភព Dailymail
