• James Milner ៖ Salah ​នឹង​បង្ក​ព្យុះ​ភ្លៀង​ទៀត ​នៅ​លីគ​កំពូល​អង់គ្លេស​រដូវ​កាល​ក្រោយ

    James Milner ​ខ្សែ​ការពារ​របស់​ក្រុម Liverpool ​ជឿ​ជាក់​ថា​ខ្សែ​ប្រយុទ្ធ Mohamed Salah ​នឹង​នៅ​តែ​បន្ដ​ធ្វើ​ព្យុះ​ភ្លៀង​ទៀត​នៅ​លីគ​កំពូល​អង់គ្លេស ​នា​រដូវ​កាល​ក្រោយ​នេះ។

    រយៈ​ពេល​៦០​ថ្ងៃ​ហើយ ​ដែល Salah ​បាត់​មុខ​ពី​ក្លឹប Liverpool ​ក្រោយ​ពី​ចាញ់​នៅ UEFA Champions League ​វគ្គ​ផ្ដាច់ព្រ័ត្រ។ ខណៈ​ដែល​ថ្ងៃ​បង្ហាញ​ខ្លួន​ដំបូង​នៅ​ពាន ICC ​នេះ​វិញ ​Salah ​ចូល​លេង​ត្រឹម​៥២​វិនាទី​ប៉ុណ្ណោះ ​អាច​រក​គ្រាប់​បាល់​បាន​វិញ​ហើយ​ពេល​លេង​ទល់​ក្រុម Manchester City ​កន្លង​ទៅ​នេះ។ ខ្សែ​ប្រយុទ្ធ​មុត​ស្រួច​របស់​ក្រុម​ហង្ស​ក្រហម​ខាង​លើ​នេះ ​រំពឹង​ថា​នឹង​នៅ​តែ​លេង​ល្អ​ដូច្នេះ សម្រាប់​ក្រុម​នៅ​រដូវ​កាល​ក្រោយ​បន្ដ​ទៀត។

    ជាមួយ​គ្នា​នឹង​ទម្រង់​លេង​ល្អ​នេះ ​Milner ​អតីត​កីឡាករ​របស់​ Man City ​ដែល​ចូល​លេង​ឱ្យ Liverpool ​ប៉ុន្មាន​រដូវ​កាល​មក​ហើយ​នេះ បាន​និយាយ​ចំពោះ​ទម្រង់​លេង​របស់ Salah ​ថា​៖ “គាត់​នឹង​នៅ​តែ​បន្ដ​អភិវឌ្ឍ​សមត្ថភាព​បន្ថែម​ទៀត។ យើង​នឹង​នៅ​ទី​នេះ ដើម្បី​ជួយ​គេ​សម្រេច​បំណង ​និង​ក្លាយ​ជា​កីឡាករ​កំពូល​លើ​លោក​នេះ។ គាត់​បាន​បង្ហាញ​រដូវ​កាល​មុន​រួច​ហើយ ​ដូច្នេះ​រដូវ​កាល​នេះ​គាត់​នឹង​នៅ​តែ​បន្ដ​ធ្វើ​ព្យុះ​ភ្លៀង​ជាមួយ​ហង្ស​ក្រហម”

    ខ្សែ​ប្រយុទ្ធ​វ័យ​២៦​ឆ្នាំ​រូប​នេះ ​ចូល​រួម​ជាមួយ​ក្រុម Liverpool ​រដូវ​កាល​មុន និង​បាន​ក្លាយ​ជា​ខ្សែ​ប្រយុទ្ធ​កំពូល​ជាប់​ឈ្មោះ​ជា Top Scorers ​នៅ​លីគ​អង់គ្លេស​តែ​ម្ដង ​បើ​ទោះ​ជា​មិន​បាន​ជួយ​ក្រុម​លើក​ពាន Premier League ​ក៏​ដោយ៕ប្រភព៖ DailyMail

    ភ្ជាប់ទំនាក់ទំនងជាមួយ CTS SPORT