ក្លឹប Ho Chi Minh City ទើបតែបានចុះកុងត្រាជាមួយកីឡាករជម្រើសជាតិកូស្តារីកា២ពីររូបគឺ José Ortiz និងAriel Rodríguezខណៈ ខ្សែប្រយុទ្ធទាំងពីរនេះនឹងចាប់ផ្តើមហ្វឹកហាត់ជាមួយក្រុមនៅថ្ងៃច័ន្ទសប្តាហ៍ក្រោយ ហើយពួកគេអាចលេងបាននៅពេលដែល V.League ២០២០ ត្រឡប់មកវិញ។
របាយការណ៍មួយក្នុងប្រទេសវៀតណាមបានបង្ហាញថាក្លិបខាងលើបានចំណាយលុយលើតម្លៃខ្លួនកីឡាករទាំងពីរនាក់នេះជិត១លានដុល្លារទៅហើយ។ បន្ទាប់ពីត្រឹមបានជើងឯករងកាលពីរដូវកាលមុន Ho Chi Minh City ម៉ងយកជើងឯកហើយកីឡាករទាំងពីរគឺជាតួអង្គសំខាន់របស់ពួកគេហើយបន្ទាប់ពីកីឡាករបរទេសAmido Balde ហាក់មិនអាចរកគ្រាប់បាល់បានតាមការចង់បានរបស់ក្លិប។
ក្រៅពីប្រជែងពានរង្វាន់លីគកំពូលវៀតណាម!កីឡាករ២រូបនេះនឹងមានវត្តមានក្នុងការប្រកួតប្រជែងពានរង្វាន់ AFC Cup វគ្គជម្រុះក្នុងពូលផងដែរ។ តាមរយៈវេបសាយ Transfermarkt, Jose Ortiz មានតម្លៃ ៦៥ម៉ឺនអឺរ៉ូហើយ Ariel Rodriguez មានតម្លៃ២៧៥០០០អឺរ៉ូ។មុនពេលមកចូលរួមជាមួយ HCM City ធ្លាប់លេងនៅក្លិប Millonarios ក្នុងប្រទេសកូឡុំប៊ី ដោយបង្ហាញខ្លួនបាន៦ប្រកួតរកបាន១គ្រាប់ក្នុងរដូវកាល២០២០នេះ។
Ariel Rodriguez លេងនៅលីគកំពូលថៃ(Thai League) ក្នុងរដូវកាល២០១៩ជាមួយ BG Phathum United។រូបគេក៏ធ្លាប់លេងនៅក្លិប Deportivo Saprissa ២២ប្រកួតនិងរកបាន៧គ្រាប់ផងដែរ៕