ក្រុម Dortmund បានទុកពេលត្រឹមថ្ងៃទី១០ខែសីហាឆ្នាំ២០២០នេះប៉ុណ្ណោះ ឱ្យក្រុម Manchester United សម្រេចចិត្តថាទិញកីឡាករ Sancho ឬក៏អត់។
ក្រុមបាល់ទាត់នៅអាល្លឺម៉ង់ខាងលើនេះ ទាមទារតម្លៃខ្លួន Sancho ១០០លានផោនពីក្រុម Manchester United ទើបពួកគេព្រមលក់ឱ្យ។ ដោយសារតែក្រុមបិសាចក្រហមនៅស្ទាក់ស្ទើរនៅឡើយចំពោះតម្លៃខ្លួននេះ ក្រុម Dortmund បានកំណត់ថាត្រឹមថ្ងៃទី១០ខែសីហានេះហើយ បើសិនជា Man Utd មិនព្រមទិញទេ នោះពួកគេលែងលក់ឱ្យហើយ។ ការកំណត់ថ្ងៃបែបនេះ គឺដោយសារតែ Dortmund ក៏ត្រូវត្រៀមរៀបចំក្រុមដើម្បីបើករដូវកាលថ្មីនៅលីគកំពូលអាល្លឺម៉ង់ផងដែរ។
លីគអាល្លឺម៉ង់នឹងចាប់ផ្ដើមនៅថ្ងៃទី១៨ខែកញ្ញាឆ្នាំ២០២០ខាងមុខនេះហើយ ស្របពេលទីផ្សារដោះដូរកីឡាករអន្តរជាតិវិញចាប់ផ្ដើមបើកពីពេលនេះទៅដល់ថ្ងៃទី៥ខែតុលាឆ្នាំ២០២០ឯណោះ៕ប្រភព Bbc
