តាមរបាយការណ៍ពី The Times បានចុះផ្សាយថា រដូវកាលថ្មី ២០២០-២១ នៅ Premier League ដែលត្រៀមចាប់ផ្តើមនាថ្ងៃទី ១២ កញ្ញាខាងមុខ នឹងបន្ថែមការអនុវត្តច្បាប់ថ្មីមួយផ្សេងទៀត គឺពាក់ព័ន្ធនឹងការក្អកនៅលើទីលានប្រកួត។
នោះគឺកំណត់ថា ប្រសិនណាកីឡាករដែលកំពុងលេងលើទីលាន មានចេតនាក្អកទៅលើគូប្រជែង នោះពួកគេនឹងត្រូវទទួលបានការពិន័យកាតក្រហមពីសំណាក់អាជ្ញាកណ្ដាល។ ចេតនានេះគឺបង្ហាញឲ្យឃើញថា កីឡាករមានបំណងចង់បន្លាចដល់គូប្រជែង ឬបណ្តាលឲ្យមានការភ័យខ្លាច ព្រោះដូចដឹងស្រាប់ហើយនៅស្ថានភាពជំងឺ COVID-19 ការក្អកឬក្រដាសនៅទីសាធារណៈគឺជាសញ្ញាដែលត្រូវប្រុងប្រយ័ត្នមួយ។
ប្រភពបានសង្កត់ធ្ងន់ ក្រៅពីទទួលបានកាតក្រហមហើយ កីឡាករដែលបង្កកំហុសនេះ ក៏ប្រឈមនឹងទទួលការផ្ដន្ទាទោស ដល់ឡើងតុលាការទៀតផង ប្រសិនមានការប្ដឹងផ្ដល់ពីសំណាក់ជនម្ខាងទៀត៕
ប្រភព៖ BeSoccer