អតីតជើងចាស់លោក Rio Ferdinand ក៏បានចុចឈ្មោះកីឡាករហង្ស Virgil van Dijk នៅចំណោមខ្សែការពារកណ្តាលល្អបំផុតទាំង ៥ តាមរយៈការយល់ឃើញរបស់លោកផងដែរ។
ថ្មីៗនេះ អតីតកីឡាកររបស់ United លោក Ferdinand បាននិយាយនៅកម្មវិធី The Beautiful Game Podcast ថា៖ “ខ្ញុំស្រលាញ់ Van Dijk ដោយគិតថាគាត់ជាកីឡាករដ៏ល្អបំផុតមួយរូបក្នុងលោកពេលនេះ បើឲ្យខ្ញុំជ្រើសរើសឈ្មោះកីឡាករលេងការពារកណ្តាលកំពូលទាំង ៥ រូប ខ្ញុំគិតថាមាន Vidic, Kompany, Terry, Van Dijk និង Campbell”។
គួរបញ្ជាក់ថា Van Dijk បានឆ្លងកាត់ការប្រកួតនៅ PL ចំនួន ១៥៧ ប្រកួតហើយ រាប់ទាំងការលេងឲ្យក្លឹបចាស់ Southampton និង Liverpool នាពេលបច្ចុប្បន្ននេះ។
ជាមួយហង្សគេបានឈ្នះពាន Champions League, Premier League, FIFA Club World Cup, UEFA Super Cup ក៏ដូចជាពានបុគ្គល UEFA Best Player ថែមទៀតផង៕ ប្រភព៖ SoccerLaduma