ខ្សែការពារ Varane បាននិយាយទៅកាន់ក្រុម Manchester City ថា Real Madrid ត្រៀមខ្លួនជាស្រេចហើយសម្រាប់យកជ័យជម្នះនៅជើងទី២ខាងមុខនេះ។
កាលពីជើងទី១កន្លងទៅ ក្រុម Real Madrid ក្នុងដីខ្លួនឯងបានបរាជ័យក្នុងលទ្ធផល ២-១ រួចទៅហើយ។ ខណៈដែលចុងសប្ដាហ៍នេះ ពួកគេនឹងប៉ះគ្នាជាលើកទី២ទៀត ដើម្បីកាត់សេចក្ដីយកក្រុមឡើងទៅវគ្គ៨ក្រុមចុងក្រោយ។ ការប្រកួតនឹងធ្វើឡើងនៅទឹកដី Etihad Stadium វិញម្ដង។
មុនការប្រកួតឈានចូលមកដល់ Varane ខ្សែការពារឆ្នើមរបស់ក្រុម Real Madrid បានចេញមុខនិយាយថា៖ “យើងចង់ឈ្នះគ្រប់ការប្រកួត យើងជាក្រុម Real Madrid ។ យើងចង់ឈ្នះ ជាមួយទំនុកចិត្តខ្ពស់ ខណៈដែលការត្រៀមខ្លួនរបស់យើងក៏បានល្អផងដែរ ព្រោះមិនមានប្រកួតនោះទេ។ ក្រុមដែលល្អបំផុតនៅថ្ងៃប្រកួតនោះ នឹងឈ្នះឡើងវគ្គបន្ដ”៕ប្រភព Marca