ក្លឹបបិសាចក្រហម Manchester United ត្រូវបានគេរាយការណ៍ថា កំពុងសម្លឹងឃើញអ្នកចាំទី Kasper Schmeichle ដែលជាកូនប្រុសបង្កើតរបស់អតីតវីរបុរសជើងចាស់លោក Peter Schmeichel សម្រាប់តំណែងអ្នកចាំទី។
បច្ចុប្បន្ន Kasper កំពុងបម្រើអាជីពនៅក្លឹប Leicester City នាមជាអ្នកចាំទីដៃទីមួយ ហើយបើតាមសារព័ត៌មាន TheSun បានចុះផ្សាយ លោក Ole Gunnar Solskjaer ហាក់យល់ឃើញថា Dean Henderson មិនទាន់ត្រៀមខ្លួនរួចរាល់ក្នុងការក្លាយជាអ្នកចាំទីដៃទីមួយនៅ Old Trafford នោះឡើយ ហើយបន្ទាប់ពី David de Gea ដែលធ្លាក់ទម្រង់លេងនេះទៅ គឺមានតែ Kasper ទេ ដែលមានតម្លៃធូរ និងបទពិសោធន៍ជោកជាំស្រាប់។
រំឭកថា អ្នកចាំទីរបស់ Leicester សេសសល់កុងត្រារយៈពេល ៣ ឆ្នាំបន្ថែមទៀត ប៉ុន្តែហាងឆេងថ្លៃខ្លួនរបស់គេគឺទាបតែប្រមាណជិត ១០ លានអឺរ៉ូប៉ុណ្ណោះ។ អតីតកាលឪពុកបង្កើតរបស់គេជាវីរបុរសមួយរូប ដែលជាចំណែកជួយ United ឈ្នះពាន ៣ នៅឆ្នាំ ១៩៩៩ ផងដែរ៕
ប្រភព៖ SportBible