Moise Kean ធ្លាប់ឆ្លងកាត់ការលេងឲ្យឈុតធំនៅក្លឹប Verona, Juventus និង Everton នៅរយៈពេលជាង ៣ ឆ្នាំចុងក្រោយ ហើយមកទល់ពេលនេះគេទើបតែមានអាយុ ២០ ឆ្នាំប៉ុណ្ណោះ។
ត្បិតមិនសូវជាលេចធ្លោខ្លាំងដូចយុវជនកំពូលៗឯទៀត តែ Keane ក៏នៅអាចរាប់ជាគ្រាប់ពេជ្រដ៏សំខាន់មួយរបស់ Everton នារដូវកាល ២០១៩/២០ ផងដែរ។
ទន្ទឹមនឹងក្រុមចាស់ Juventus លើកពាន Serie A ថ្មីៗនេះ កីឡាករអ៊ីតាលីបានឆ្លៀតសរសើរមិនដាច់ពីមាត់ដល់រៀមច្បងនៅទ្រនំចាស់ Cristiano Ronaldo ដោយគេនិយាយថា៖ “គ្រប់គ្នាដឹងហើយថាគាត់ជាកីឡាករដ៏អស្ចារ្យ ល្អបំផុត និងជាមនុស្សដ៏ល្អម្នាក់ផងដែរ ព្រោះគាត់បានជួយខ្ញុំច្រើនណាស់កាលខ្ញុំនៅ Juventus”។
សួរនាំដល់រឿងរ៉ាវគូប្រជែងដែល Keane គិតថាលំបាកនឹងតតាំងបំផុត គេក៏និយាយដល់គូប្រជែងនៅក្លឹប PSG នោះគឺ៖ “មាន ២ នាក់ គឺ Neymar និង Angel di Maria ដែលខ្ញុំធ្លាប់បានតតាំងពួកគាត់កាលលេងឲ្យ Juventus តទល់ PSG ដោយពួកគាត់ពិតជាកីឡាករដ៏អស្ចារ្យខ្លាំងណាស់”៕
ប្រភព៖ Goal