Mikel Arteta បានផ្ញើសារអរគុណទៅលោក Pep Guardiola ដែលបានបង្ហាត់បង្រៀនខ្លួនក្លាយជាអ្នកចាត់ការរហូតអាចឈ្នះពានរង្វាន់ FA Cup បានជាមួយក្រុម Arsenal ។កាំភ្លើងធំនៅតែជា King របស់ពានរង្វាន់ FA Cup ដដែល។ នៅយប់មិញនេះ ពួកគេបានយកឈ្នះលើក្រុម Chelsea ក្នុងលទ្ធផល ២-១ លើកពាន ក៏ដូចជាបន្ដឱកាសអាចចូលលេងពានរង្វាន់អឺរ៉ុបបាន គឺ Europa League ។ ក្រោយពីដឹកនាំក្រុមឈ្នះពានហើយ លោក Arteta មិនបំភ្លេចគុណរបស់លោក Pep ដែលធ្លាប់ជាគ្រូរបស់ខ្លួនឡើយ។ លោក បានអរគុណទៅ Pep ចំពោះយុទ្ធសាស្ត្រដឹកនាំក្រុម ដែលលោកបានហាត់រៀនកន្លងមក។
រំលឹកថា Arteta បានធ្វើជាជំនួយការរបស់លោក Pep នៅក្រុម Man City ៣ឆ្នាំមុនពេលសម្រេចចិត្តចេញដឹកនាំក្រុមដោយខ្លួនឯងនៅរដូវកាលនេះ។ ត្បិតតែដឹកនាំ Arsenal មិនបានល្អនៅ Premier League មែន ប៉ុន្តែពួកគេនៅតែអាចលើកពានបានដដែល គឺ FA Cup នៅយប់មិញ៕
ប្រភព៖ DailyMail