ក្រុម Juventus បានបរាជ័យក្នុងដីខ្លួនឯងជាលើកដំបូងចាប់តាំងពីឆ្នាំ២០១៨មក ឬក្នុងការប្រកួតក្នុងដី៤០ប្រកួតកន្លងមកនេះ។ការប្រកួតចុងក្រោយ Serie A នៅយប់មិញ ក្រុម Juventus បានដាក់ខ្សែប្រយុទ្ធ Cristiano Ronaldo ឱ្យសម្រាក។ ខណៈដែលលទ្ធផលវិញ ពួកគេបានបរាជ័យក្រោមថ្វីជើងក្រុម Roma ដល់ទៅ ៣-១ ឯណោះ។ នេះជាចាញ់ក្នុងដីខ្លួនឯងលើកដំបូង តាំងពីឆ្នាំ២០១៨មក តែយ៉ាងណាមិញ ពួកគេក៏នៅតែជាជើងឯកលីគកំពូលអ៊ីតាលីដដែល។
ស្របពេលក្រុមលេខ២ Inter Milan វិញ ចាញ់ពិន្ទុក្រុមកំពូលតារាង Juventus តែ១ពិន្ទុប៉ុណ្ណោះ។ នេះជាលើកដំបូងដែរ ដែលក្រុមលេខ១និងលេខ២ ចាញ់ឈ្នះគ្នាតែ១ពិន្ទុតាំងពីឆ្នាំ២០០១មក។ សម្រាប់ក្រុម Inter Milan វិញ ការបានលេខ២នេះ គឺជាលើកដំបូងដែរ សម្រាប់ពួកគេគិតចាប់តាំងពីឆ្នាំ២០១០មក៕
ប្រភព៖BBC