ក្រុម Chelsea បានបរាជ័យក្រោមថ្វីជើងក្រុម Arsenal ក្នុងលទ្ធផល ២-១ នាការប្រកួតពានរង្វាន់ FA Cup វគ្គផ្ដាច់ព្រ័ត្រនៅយប់មិញនេះ។កីឡាករអាមេរិក Pulisic ជាអ្នកបើកការនាំមុខមុនឱ្យ Chelsea តាំងពីនាទីទី៥ដើមតង់ទី១។ តែគួរឱ្យសោកស្ដាយនៅនាទី២៨ ខ្សែប្រយុទ្ធ Aubameyang ក៏ប៉េណាល់ទីបាន១គ្រាប់តាមស្មើវិញ។ ឈានចូលនាទី៦៧ ខ្សែប្រយុទ្ធដដែលនេះក៏បន្ថែមបានគ្រាប់ទី២ទៀត ដែលជាគ្រាប់បាល់ជ័យជម្នះតែម្ដង។
ត្បិតតែបរាជ័យមែន ប៉ុន្តែលោក Lampard បានបញ្ជាក់ថាមិនអន់ចិត្តអ្វីឡើយ ត្បិតអីក្រុមយុវជនរបស់ខ្លួននៅមិនទាន់ល្អគ្រប់គ្រាន់នោះទេ ដើម្បីឈ្នះពានរង្វាន់មួយនេះ។ អ្នកចាត់ការវ័យក្មេងរូបនេះ និយាយថា៖ “យើងចាប់ផ្ដើមការប្រកួតល្អ ប៉ុន្តែជាចុងក្រោយយើងមិនអាចទទួលបានជ័យជម្នះ និងគ្រប់គ្រងស្ថានការណ៍បាន”៕
ប្រភព៖ DailyMail