ក្តីសង្ឃឹមរបស់ក្រុមចចក Wolves ដែលពឹងលើដង្ហើម Chelsea ត្រូវបានបញ្ចប់ បន្ទាប់ពីក្រុមតោខៀវរងបរាជ័យមិនអាចឈ្នះជើងឯក FA Cup បាន។ បែបនេះ Spurs ដែលមានកៅអីលេងវគ្គជម្រុះគឺត្រូវបន្តលេងវគ្គជម្រុះដដែល ហើយមានតែ Arsenal និង Leicester ទេ បានជាប់កៅអីទៅវគ្គចែកពូលស្វ័យប្រវត្តិ។
ឈ្មោះរបស់ Spurs នៅទើរត្រឹមវគ្គ Second Qualifying Round អ៊ីចឹងក្រុមរបស់លោក Jose Mourinho ត្រូវតតាំងការប្រកួតនេះឲ្យបានជ័យជម្នះសិន ហើយបន្តឡើងមកលេងនៅវគ្គ Third Qualifying Round មួយជុំទៀត ដោយវគ្គនេះអាចប៉ះគូប្រជែងធំៗដូចជា Sporting CP និង PSV ជាដើម ហើយប្រសិនឈ្នះទៀត ទើបអាចរំកិលខ្លួនចូលទៅកាន់វគ្គចែកពូល UEL ជាផ្លូវការបាន។
ការប្រកួតជុំដំបូងរបស់ Spurs នឹងធ្វើឡើងនៅថ្ងៃទី ១៧ កញ្ញា ពោលគឺរយៈពេល ៥ ថ្ងៃបន្ទាប់នៃកាលបរិច្ឆេទបើករដូវកាលថ្មី ២០២០/២១ នៅ PL៕