AC Milan បានបញ្ចប់ការប្រកួតបិទរដូវកាល ដោយយកឈ្នះទៅលើ Cagilari នៅលទ្ធផល ៣-០។ ក្នុងនោះក៏មានចំណែកគ្រាប់បាល់របស់ខ្សែប្រយុទ្ធវ័យចំណាស់ Zlatan Ibrahimovic មួយផងដែរ។
វាជាគ្រាប់បាល់ទី ១០ ប្រចាំរដូវកាលនេះនៅ Serie A ហើយក៏បានចារឈ្មោះកីឡាករស៊ុយអែតក្នុងកំណត់ត្រានាមកីឡាករវ័យចំណាស់ជាងគេ អាចរកបានគ្រាប់បាល់ច្រើនជាង ១០ គ្រាប់នារដូវកាលទោលនៅ Serie A។
Zlatan មានវ័យ ៣៨ ឆ្នាំ និង ៣០២ ថ្ងៃ រកបាន ១០ គ្រាប់ ស្របពេលដែលអ្នកគ្រងកំណត់ត្រាចាស់គឺអតីតកីឡាករលោក Silvio Piola ធ្វើបាននៅអាយុ ៣៨ ឆ្នាំ និង ១២៧ ថ្ងៃ ក្នុងកំឡុងទសវត្សឆ្នាំ ១៩៥០ ដែលមានរយៈកាលជាង ៦០ ឆ្នាំមកហើយ៕
ប្រភព៖ Opta