ក្លឹបកាំភ្លើងធំ Arsenal បានយកឈ្នះទៅលើក្លឹបតោខៀវ Chelseaនៅការប្រកួតវគ្គផ្តាច់ព្រ័ត្រពានរង្វាន់ FA Cup ដោយលទ្ធផល ២-១។
ជាមួយការតតាំងដ៏ស្វិតស្វាញ នៅទឹកដីកណ្ដាលក្នុងកីឡដ្ឋាន Wembley ក៏ជឿថាមានប្រិយមិត្តជាច្រើនប្រាកដជាចង់ដឹង តើប្រាក់រង្វាន់សម្រាប់ក្រុមឈ្នះជើង FA Cup ឯកអាចទទួលបានប៉ុន្មាន?
តាមទិន្នន័យច្បាស់ការចេញពីសមាគមបាល់ទាត់អង់គ្លេស ហៅកាត់ TheFA បានបង្ហាញឲ្យឃើញថា រដូវកាល ២០១៩/២០ ក្រុមឈ្នះជើងឯកនាវគ្គផ្តាច់ព្រ័ត្រគឺទទួលបានប្រាក់រង្វាន់ប្រមាណ ៣,៦ លានផោន ឬជាង ៤,៧ លានដុល្លារ ស្របពេលដែលក្រុមឈ្នះជើងឯករងគឺ ២,៣៥ លានដុល្លារ។
យ៉ាងណាមិញសម្រាប់ក្រុមដែលធ្លាក់ត្រឹមវគ្គ ៤ ក្រុមចុងក្រោយ មានដូចជា Man City និង Man Utd ក៏ទទួលបានប្រាក់រង្វាន់ច្រើនគួរសមដែរ ដល់ទៅជាង ១,១ លានដុល្លារឯណោះ។
គួរបញ្ជាក់ FA Cup ជាពានដែលមានអាយុកាល ១៤៩ ឆ្នាំមកហើយ ដោយវាបានឆ្លងកាត់ការរចនារូបរាងថ្មីចំនួន ៥ លើក។ ពេលចុងក្រោយបង្អស់គឺនៅឆ្នាំ ២០១៤ ផលិតដោយក្រុមហ៊ុន Thomas Lyte វាមានទម្ងន់ ៦,៣ គីឡូក្រាម កម្ពស់ ៦១,៥ សង់ទីម៉ែត្រ ហើយចាយថ្លៃដើមផលិតខ្ទង់ ៦ ២០០ ដុល្លារ៕