Dimitar Berbatov បានបង្ហាញការយល់ឃើញ សម្រាប់ការត្រៀមប៉ះគ្នារវាង Arsenal និង Chelsea នៅប្រកួត FA Cup វគ្គផ្តាច់ព្រ័ត្ររាត្រីនេះ ដោយលោកចង់ឲ្យក្រុមទាំងពីរបន្តលេងហួស ៩០ នាទី ពោលគឺបញ្ចប់តង់ទីពីរត្រឹមបានលទ្ធផលស្មើ ១-១។
ការយល់ឃើញរបស់ Berbatov គឺទាយថាប្រកួតយប់នេះ នឹងអាចសម្រេចឃើញក្រុមឈ្នះពាននៅការស៊ុតបាល់ប៉េណាល់ទី។
ប្រាប់ Betfair អតីតកីឡាករនៅ United និយាយ៖ “វាពិតជាពិបាកនឹងទាយណាស់ពីលទ្ធផលវគ្គផ្តាច់ព្រ័ត្រ FA Cup ដោយក្រុមណាជាអ្នកឈ្នះ ក៏សុទ្ធសឹងជាពានដំបូងសម្រាប់អ្នកចាត់ការដូចគ្នា បែបនេះវាក្លាយជាអារម្មណ៍ដ៏អស្ចារ្យមួយបាត់ទៅហើយ”។
លោកបន្ត៖ “ខ្ញុំគិតថាក្រុមទាំងពីរនឹងលេងដោយប្រុងប្រយ័ត្នបំផុត ហើយខ្ញុំចង់ឲ្យគូនេះស្មើនៅ ៩០ នាទី ដោយឡែកការស៊ុតប៉េណាល់ទីវាពិតណាស់គឺជាអារម្មណ៍ដ៏ល្អមួយ តែប្រសិនអ្នកស៊ុតមិនចូលនោះជាអារម្មណ៍ផ្ទុយស្រឡះពីនេះ ហើយកីឡាករនឹងរងការឈឺចាប់ខ្លាំងបំផុត”៕
ប្រភព៖ Metro