Inter Milan ត្រូវបានគេរាយការណ៍ថាកំពុងរៀបចំសំណើ ចង់ទាក់យក Lionel Messi ចេញពី Barcelona ប្រសិនណាឆ្នាំក្រោយ M10 មិនព្រមបន្តកុងត្រា ហើយស្ម័គ្រចេញពីក្លឹបនាមជាកីឡាករឥតតម្លៃខ្លួន។
ពិតណាស់កុងត្រារបស់កីឡាករអាហ្សង់ទីនគឺត្រូវផុតនៅរដូវក្តៅឆ្នាំក្រោយ បែបនេះប្រសិនក្លឹបណាចង់បាន គឺឆ្លងកាត់តែការចរចាថ្លៃពលកម្មជាមួយភាគីកីឡាករតែប៉ុណ្ណោះ ដោយតម្លៃផ្ទេរមិនត្រូវការចំណាយនោះទេសូម្បីតែមួយសេន្យ។
តាមរបាយការណ៍ចុងក្រោយគឺ Inter Milan ចង់ចាយលុយធំ ព្រោះការយក Messi មកអ៊ីតាលីក៏អាចនាំផលចេញចំណេញ ជាពិសេសការធ្វើទីផ្សារបានធំជាងមុនខ្លាំងផងដែរ។
ប្រភពពី SportBible បានគណនាចេញជាថ្លៃពលកម្ម លើកុងត្រា ៤ ឆ្នាំដែល M10 អាចទទួលបានពី Inter ដូចខាងក្រោម៖
- ១ ឆ្នាំរកបានជាង ៧៦ លានដុល្លារ
- ១ ខែរកបានជាង ៦,៤ លានដុល្លារ
- ១ សប្តាហ៍រកបានជាង ១,៤ លានដុល្លារ
- ១ ថ្ងៃរកបានជាង ២១ មុឺនដុល្លារ
- ១ នាទីរកបានជិត ១៥០ ដុល្លារ
- ១ វិនាទីរកបានជិត ២,៥ ដុល្លារ៕
ប្រភព៖ SportBible