ខ្សែប្រយុទ្ធ Jesse Lingard កំពុងត្រូវបានក្លឹបរហូតដល់៣ឯណោះ ប្រជែងគ្នាដាក់តម្លៃទិញយកពីក្រុម Manchester United នារដូវកាលដោះដូរកីឡាករខាងមុខនេះ។
កីឡាករអង់គ្លេសវ័យ២៧ឆ្នាំខាងលើនេះ មិនសូវបានលេងឡើយ ដោយសារទម្រង់លេងធ្លាក់ចុះខ្លាំង ចាប់តាំងពីម្ដាយរបស់គេធ្លាក់ខ្លួនឈឺមក។ ជាមួយកុងត្រានៅសល់ត្រឹម១ឆ្នាំទៀត ក្រុម Man Utd ទំនងជាស្ដាប់ការស្នើសុំទិញពីក្លឹបដទៃទៀតហើយ។ ដោយបច្ចុបន្ននេះមានក្លឹប៣ហើយ ដែលបានទាក់ទងសួរនាំតម្លៃរបស់ Lingard ។
Roma, Newcastle និង Borussia Monchengladbach ជាក្រុមដែលបានទាក់ទងមក។ ប្រសិនបើមានក្រុមណាមួយផ្ដល់តម្លៃដែលអាចទទួលយកបាន នោះបិសាចក្រហមនឹងលក់ខ្សែប្រយុទ្ធម្នាក់នេះចេញមិនខាន ដើម្បីផ្ដល់កន្លែងសម្រាប់កីឡាករថ្មីទៀត៕ប្រភព Dailymail
