ក្រុម Juventus បានរងបរាជ័យក្រោមថ្វីជើងរបស់ក្រុម Cagliari ក្នុងលទ្ធផល ២-០ សម្រាប់ការប្រកួត Serie A សប្ដាហ៍ទី៣៧នៅយប់មិញនេះ។
សេះបង្កង់ដែលជាក្រុមជើងឯករួចទៅហើយនោះ លេងប្រកួតបង្គ្រប់កិច្ចនៅយប់មិញនេះ មិនបានល្អនោះទេ។ ពួកគេមិនអាចទម្លាយសំណាញ់ទីរបស់ក្រុម Cagliari បានឡើយ តែផ្ទុយទៅវិញភ្លាត់ឱ្យគេស៊ុតបញ្ចូលទីបានដល់ទៅ២គ្រាប់ថែមទៀត។ តែទោះជាយ៉ាងណាក្ដី លទ្ធផលបរាជ័យនេះមិនបានធ្វើឱ្យមានការប្រែប្រួលអ្វីសម្រាប់ក្រុម Juventus ឡើយ។
ដោយឡែកការប្រកួតនៅយប់មិញ ដែល Ronaldo ស៊ុតមិនចូលនោះ បានធ្វើឱ្យរូបគេពិបាកក្នុងការប្រជែងស្បែកជើងមាសណាស់។ នៅសល់១ប្រកួតក្នុងដៃទៀត តែគម្លាតគ្រាប់បាល់វិញ Ronaldo ទើបមាន៣១គ្រាប់ ខណៈដែល Immobile វិញ មានដល់៣៥គ្រាប់ទៅហើយ។ មួយប្រកួតចុងក្រោយនេះ Ronaldo ត្រូវស៊ុតយ៉ាងតិច៤គ្រាប់ ទើបអាចបានស្បែកជើងមាសរដូវកាលនេះ៕ប្រភព Dailymail
